ترجمہ

عرب کے لوگ  غیر معمولی حافظے کے مالک تھے اور خوش گفتار لوگ تھے۔

ان کی خوش گفتاری  اور حافظے کا اظہار ان کی شاعری میں ملتا ہے۔

عکاظ کے مقام پر ہر سال شاعری کے مقابلوں کا ایک میلہ منعقد ہوتا تھا۔

یہ کہا جاتا ہے کہ حماد نے خلیفہ ولید بن یزید سے کہا ” میں آپ کو چھوٹے قطعات کو گنتی میں لائے بغیر حروف ِ تہجی کے ہر حرف کی ایک سو طویل نظمیں سنا سکتا ہوں اور وہ تمام خاص طور پر اشاعتِ اسلام سے قبل کے شاعروں کی لکھی ہوئی ہیں۔”

یہ کوئی معمولی معجزہ نہیں کہ اللہ تعالیٰ  نے اپنے حتمی شریعت  کی اشاعت اور اپنے کلام کی حفاظت کے لئے عربی زبان کو منتخب کیا۔

ترجمہ

پانچویں اور چھٹی صدی عیسوی میں انسانیت تباہی کے کنارے  پر کھڑی تھی۔

ایسا  دکھائی دیتا تھا کہ وہ تہذیب جس کو پروان چڑھنے میں چار ہزار سال لگے تھے، اب بِکھرنا  شروع ہو گئی تھی۔

ایسے وقت میں ، اللہ تعالیٰ  نے ان میں سے ہی ایک رسول مبعوث فرمایا جس نے انسانیت کو جہالت سے نکال کر ایمان کی روشنی سے منور کرنا تھا۔

ترجمہ

جب حضرت محمد (ﷺ) اڑتیس برس کی عمر کو پہنچے تو آپ (ﷺ) اپنا زیادہ تر وقت تنہائی  اور غوروفکر  میں گزارتے تھے۔

آپ (ﷺ) کھانا اور پانی لے کر غارِحرا میں گوشئہ نشین ہوجاتے اور کئی دن اور ہفتے یاد الہٰی میں گزارتے  تھے۔

ترجمہ

انتظار کا عرصہ ختم  ہوچکا تھا۔

آپ (ﷺ) کا دِل انسانیت کے لئے گہری ہمدردی سے لبریز تھا۔

آپ (ﷺ) کی شدید خواہش تھی کہ آپ (ﷺ) غلط عقائد،سماجی برائیوں،ظلم اور نا انصافی کو جڑ سے اکھاڑ دیں۔

وہ لمحہ آچکا تھا جب آپ (ﷺ) کو نبوت سے نوازا جانا تھا۔

One day, when he was in the cave of Hira, Hazrat Jibril (Gabriel) (علیہ السلام) came and conveyed to him the following message of Allah Almighty:

ایک دن، جب آپ (ﷺ) غارِ حرا میں تھے، حضرت جبرائیل علیہ السلام آئے اور آپ (ﷺ) تک اللہ تعالیٰ  کا درج ذیل پیغام پہنچایا:

اِقْرَاْ بِاسْمِ رَبِّکَ الَّذِیْ خَلَقَۚoخَلَقَ الْاِنْسٰنَ مِنْ عَلَقٍۚo اِقْرَاْ وَرَبُّکَ الْاَکْرَمُۙo الَّذِیْ عَلَّمَ بِالْقَلَمِۙo عَلَّمَ الْاِنْسَانَ مَالَمْ یَعْلَمْ ؕo

“پڑھ اپنے رب (اللہ تعالیٰ) کے نام سے جس نے پیدا کیا، انسان کو جمے ہوئے خون سے پیدا کیا، پڑھ اور تیرا رب انتہائی کریم ہے،وہ جس نے قلم (کا استعمال) سکھایا، سکھایا انسان کو وہ (سب کچھ) جو وہ نہیں جانتا تھا۔” (قرآن مجید، 5-1:96)

ترجمہ

خدا کا پیغام  وحی کی صورت میں جو اگلے تئیس (23) برس تک جاری رہنا تھا، شروع ہو چکا تھا اور رسول   (ﷺ) اللہ تعالیٰ کی وحدانیت (توحید) اور انسانیت کے اتحاد کا باضابطہ طور پر اعلان کرنے کے لیے اُٹھ کھڑے ہوئے تھے۔

آپ (ﷺ) کا مقصد توہم پرستی ،جہالت اور کفر کے سلسلے کو توڑنا ،زندگی  کے ایک اعلیٰ تصور کو قائم کرنا اور انسانیت  کو ایک روحانی سرور اور نورِ ایمانی سے روشناس کرانا تھا۔

ترجمہ

چونکہ یہ عقیدہ معاشرے میں اُن (کفار) کے غلبے کے لئے خطرہ  بن رہا تھا اس لئے عرب کے کافروں نے رسول پاک (ﷺ) اور آپ (ﷺ) کے پیروکاروں پر دباؤ بڑھانا شروع کردیا۔

وہ چاہتے تھے کہ وہ اپنا مقصد ترک کردیں اور بُت پرستی اختیار کر لیں۔(نعوذ باللہ)

ایک موقع پر انہوں نے رسول پاک (ﷺ) کے مہربان اور شفیق چچا ابو طالب کے پاس ایک وفد بھیجا۔

انہوں نے  اُن سے کہا کہ وہ یا تو رسول پاک (ﷺ) کو اللہ تعالیٰ  کا پیغام پھیلانے سے روکیں یا ان کی دشمنی کا سامنا کریں۔

اپنے آپ کو الجھن میں پا کر انہوں نے اپنے بھتیجے کو بلا بھیجا اور ان کو صورتحال سے آگاہ کیا۔

رسول پاک (ﷺ) نے ان یادگار  الفاظ میں جواب دیا:

” میرے پیارے چچا جان، اگر وہ میرے دائیں ہاتھ پر سورج اور بائیں ہاتھ پر چاند رکھ دیں ، تب بھی میں اللہ تعالیٰ کی وحدانیت (توحید) کے اعلان سے دستبردار نہیں ہوں گا۔

میں اس روئے زمین پر سچے دین کو قائم کر کے رہوں گا یا پھر اسی کوشش میں جان دے دوں گا۔”

ترجمہ

رسول پاک (ﷺ) کے چچا اپنے بھتیجے کے پختہ ایمان کو دیکھ کر اس قدر متاثر ہوئے کہ انہوں نے جواب دیا:

“میرے بھائی کے لختِ جگر، اپنی راہ پر چلتے رہو، کوئی بھی تجھے چھونے کی جرأت نہیں کرے گا۔

میں تمہیں کبھی نہیں چھوڑوں گا۔”

ترجمہ

اور رسول پاک (ﷺ) اسی راستے  پر چلے جو اللہ تعالیٰ  نے اُن کے لیے چُنا تھا۔

اللہ تعالیٰ کی ہدایت اور پُختہ یقین سے معمور ہو کر رسول پاک (ﷺ) نے تمام مشکلات کا مقابلہ شان  اور وقار سے کیا۔

جلد ہی آپ (ﷺ) نے انسان کو روحانی و دنیاوی دونوں سطحوں پر ممکنہ حد تک اعلیٰ ترین مقام پر سرفراز فرمایا۔

اُن عرب فتوحات، جنہوں نے تاریخِ انسانی پر ایک لازوال تاثر قائم کیا، کے پیچھے زبردست  قوت  بھی آپ (ﷺ) ہی تھے۔

حیرت کی بات نہیں کہ آپ (ﷺ) کو عالم گیر حیثیت سے تاریخ میں سب سے زیادہ بااثر ہستی تسلیم کیا گیاہے۔

ایک عظیم مؤرخ مائیکل ہارٹ کے الفاظ میں:

“تاہم حضرت محمد (ﷺ) دونوں یعنی علمِ دین اور اس کے اعلیٰ اخلاقی اور شائستہ کردار کے اصولوں کے ذمے دار تھے۔

اس کے علاوہ آپ (ﷺ) نے نئے  عقیدے  کی تبلیغ و تبدیلی اور مذہبی تعلیمات کو نافذ کرنے میں بنیادی  کردار ادا کیا۔۔۔۔

در اصل، عرب کی فتوحات کے در پردہ بطور زبردست قوت  آپ (ﷺ) کا درجہ بخوبی تمام زمانوں کے سب سے بڑے با اثر  سیاسی رہنما کے طور پر ہے۔

ساتویں صدی کی عرب فتوحات نے تاریخِ انسانی میں ایک اہم کردار ادا کرنا آج تک جاری رکھا ہوا ہے۔”

ترجمہ

بنی نوع انسان اور معاشرے کی اس طرح سے ایک مکمل تبدیلی، رسول پاک (ﷺ) کے اللہ تعالیٰ قادرِ مطلق پر پختہ ایمان، انسانیت سے آپ (ﷺ) کے پیار اور آپ (ﷺ) کے کردار کی عظمت کی مرہونِ منت ہے۔

دراصل، آپ (ﷺ) کی حیاتِ طیبہ تقلید کے لئے بہترین نمونہ ہے۔

رسول پاک (ﷺ) کی حیاتِ طیبہ کے بارے میں ایک سوال کے جواب میں ، حضرت عائشہ رضی اللہ عنہا فرماتی ہیں:

” آپ (ﷺ) کے اخلاق اور کردار مجسم قرآن ہیں۔”

بنی نوع انسان کے نجات دہندہ  (ﷺ) کے بارے میں حتمی ارشاد قرآن پاک  میں آتا ہے:

یٰۤاَ یُّھَا النَّبِیُّ اِنَّاۤ اَرْسَلْنٰکَ شٰھِدًا وَّ مُبَشِّرًا وَّنَذِیْرًاۙo وَّدَاعِیًا اِلَی اللہِ بِاِذْنِہ وَ سِرَاجًامُّنِیْرًاo

“اے نبی (ﷺ)! یقیناً، ہم نے تمہیں گواہی دینے والا، خوشخبری سنانے والااور  ڈرانے والا بنا کر بھیجا ہے۔

اور اللہ کی طرف اس کے حکم سے بلانے والا اور ایک روشن چراغ بنا کر بھیجا ہے۔” (قرآن مجید، 46-45:33)